Народны клуб майстроў наладзіў выязныя выставы ў летнік "Папараць-кветка". Дзеці з задавальненнем азнаёміліся з выставамі "Лялечны вернісаж" (персанальная выстава лялек Ганны Ждановіч), выставай экспанатаў ваеннай пары з фонду пакоя-музея драўлянай лыжкі, фотавыставай "Мае сябры", выставай экспанатаў пакоя-музея драўлянай лыжкі "Лыжкарскае майстэрства жыве", а таксама змаглі прыняць удзел у майстар-класе па вырабу кветкавых кампазіцый у тэхніцы папяровая філігрань. Прыемна адзначыць, што з ахвотай займаліся вырабам кветак не толькі дзяўчынкі , але і хлопчыкі. У гэты дзень у летніку праходзіў Дзень дэкаратыўна-прыкладной творчасці. Кожны атрад прадставіў на выставу свае работы. У адных работах адчувалася творчая рука майстра, у іншых - першыя крокі ў спасціжэнні майстэрства. Галоўнае - не было абыякавых адносін да прапанаванай дзеі, таму такія дні з удзелам Народнага клуба майстроў і надалей будуць наладжвацца ў летніку.
|
