клуб майстроў

Дажынкі: Уся справа ў капелюшы

майстры — Wed, 08 Oct 2014 19:19:11 GMT

Выстава творчых работ бярэзінскіх майстроў на раённых дажынках у аграгарадку Паплавы прайшла пад агульнай назвай "Уся справа ў капелюшы". Галаўныя ўборы з саломкі, прыродных матэрыялаў, папяровых і газетных трубачак, звязаныя шыдэлкам здзіўлялі сваёй прыгажосцю і адметнасцю, знайшоўся нават капялюш, які “заклікаў” да здаровага ладу жыцця, а найбольшае ўражанне пакінуў капялюш пад назвай “Аграсядзіба”. Для шматлікіх прыгажунь бярэзінскага краю гасцінна расчыніў свае дзверы “Шляпный салон”, дзе нават люстэрка было зроблена ў форме вялізнага капелюша.

Акрамя галаўных убораў на свяце былі прадстаўлены драўляныя кампазіцыі, вышыўка, пэчварк, лялькі, лыжкі і інш. творчыя работы, праз якія народныя ўмельцы імкнуліся адлюстраваць і раскрыць уласны свет захапленняў, тым самым прадэманстраваўшы непаўторную фантазію, талент і майстэрства іх стваральнікаў.

Свае работы на раённае свята “Дажынкі” прадставілі Г.В.Агароднік, Т.С.Альшэўская, А.А.Грынкевіч, Г.А.Ждановіч, І.М.Капко, С.З.Крачкоўская, А.А.Лапыцька, В.А.Мурашка, А.М.Строк, Т.А.Тарасенка, С.М.Шмэрка. У афармленні выставы, акрамя супрацоўнікаў цэнтра рамёстваў і клуба майстроў, прыняла ўдзел Т.У.Ждановіч.

Фотаздымкі Аляксандра (Аліка) Сіняка.

Адным радком

майстры — Thu, 02 Oct 2014 19:05:36 GMT

Творчыя работы бярэзінскіх майстроў былі прадстаўлены на выставе дэкаратыўна-прыкладной творчасці ў рамках святкавання дзён беларускага пісьменства ў Заслаўі 6-7 верасня 2014 г.

Чароўныя пяльцы бярэзінскіх майстроў

майстры — Thu, 02 Oct 2014 18:24:06 GMT

Пасля летняга адпачынку прыйшоў шчодры час на шматлікія конкурсы, у якіх прымаюць удзел майстры Бярэзіншчыны. 30 жніўня на плошчы 900-годдзя Барысава ў Старым горадзе адбылося ІІ рэгіянальнае свята-конкурс вышыўкі "Чароўныя пяльцы". Сярод удзельнікаў таксама былі майстры Барысаўшчыны, Жодзіна, Смалявіцкага і інш. раёнаў.

Дасканалы вышыты бярэзінскі абярэг дліной 5 метраў і шырынёй 80 см быў ухвалены прафесарам мастацтвазнаўства Я.Сахутай. Дыпломам за стварэнне гэтага ручніка адзначаны Народны клуб майстроў Бярэзінскага цэнтра рамёстваў. Аўтары-вышывальшчыцы Г.А.Ждановіч, В.І,Шкудрова, Н.Э.Насульская, В.Л.Мамановіч, А.П.Зінкевіч, Т.С. Альшэўская.

У аб'ектыў журналістаў і звычайных жыхароў акрамя таго трапілі лялькі ў беларускіх строяў на выставе "Душы і рук узоры" Г.А.Ждановіч. Высокую адзнаку атрымалі і ручнікі Ганны Аляксандраўны, бо, як падкрэслілі знаўцы беларускай культуры, выкананы ручнікі ў адпаведнасці з глыбокімі народнымі традыцыямі вышыўкі.

ГЛЯДЗІЦЕ ВІДЭА- І ФОТАСПРАВАЗДАЧУ

http://ex-press.by/article.php?id=89749

http://www.ok.ru/video/62870142697637-1

У бліжэйшых планах

майстры — Thu, 11 Sep 2014 18:55:55 GMT

****************

- У нядзелю 14 верасня ў 12 гадзін на базе трустычнага цэнтра "Юнацтва" адбудзецца свята вёскі Жорнаўка. У ходзе падрыхтоўкі мерапрыемства кіраўнік клуба Тарасенка Т.А. правяла шэраг сустрэч з вяскоўцамі-майстрамі, якія прадставяць свае работы на выставу.

******************

- У кастрычніку ў вёсцы Паплавы запланавана правядзенне раённых дажынак. Удзел у мерапрыемстве прымуць майстры Бярэзіншчыны, якія прыгожа аздобяць свята сваімі творчымі работамі.

Адкрыты Бярэзінскі раённы Цэнтр рамёстваў

майстры — Wed, 29 Jan 2014 17:10:02 GMT

1 студзеня 2014 года ў горадзе Беразіно адкрыты раённы Цэнтр рамёстваў. Цэнтр размясціўся ў былым будынку пачатковых класаў гімназіі на вуліцы Маладзёжнай у доме № 5.
5 лютага раённы Цэнтр рамёстваў запрашае жыхароў і гасцей горада і раёна на Дзень адчыненых дзвярэй "Творчасць жыве ў кожным”.

У гэты дзень адбудзецца ПРЭЗЕНТАЦЫЯ ВЫСТАЎ:

паясоў бярэзінскіх майстроў "Узоры роднага краю”, работ народнага клуба майстроў " Таямніцы народнай душы”,

вышыўкі "Душы і рук узоры”, арт-ёлак 2014 года і навагодніх кампазіцый; выцінанкі "Сучасная беларуская выцінанка”,

персанальная выстава вязання Тарасенка Т.А. "Узоры радасных надзей”; персанальная выстава "Лялечны карагод”-Ждановіч Г.А.,

"Драўляны вернісаж”- майстроў разьбы па дрэву; "Шматграннасць таленту” Віктара Садоўнікава і Юліі Сігаёвай;

"Творчы калейдаскоп Аляксандры Грынкевіч”; выстава-конкурс "Майстры папяровых мастацтваў”; персанальная выстава Н.Казлоўскай "Нежный квиллинг”. Выставы прадэманструюць багаты творчы патэнцыял майстроў Бярэзіншчыны,шырокую палітру жанраў і тэхнік дэкаратыўна- прыкладнога мастацтва. Наведвальнікі раённага Цэнтра рамёстваў змогуць у гэты дзень не толькі пазнаеміцца з выставамі, але і прыняць удзел у майстар-класах:

" Традыцыйнае і сучаснае ў мастацтве выцінанкі” (майстар Грынкевіч Ю.У),

"Асновы тэхнікі дэкупажу”(Лапыцька А.А.),

"Ткацтва пояса на ніту.Снаванне” (майстар Цісецкая А.М.)

Адкрыты занятак у Школе лыжкарскага майстэрства (майстар Осіпаў Я.П.) і ў клубе "Сувенір” (Казлоўская Н.Я.,Сямашка А.В.)

Дзверы раённага Цэнтра рамёстваў будуць гасцінна расчынены ў 11 гадзін. Чакаем Вас, паважаныя!

Ёлка как арт- объект в Березино

майстры — Tue, 17 Dec 2013 18:01:22 GMT

Пресс-релиз:
	Отдел идеологической работы, культуры и по делам молодежи Березинского райисполкома в преддверии любимых зимних праздников объявляет конкурс на самую креативную новогоднюю елку. Проект «Елка как арт-объект» предлагает всем желающим – гостям и жителям Березино и Березинского района - принять участие в творческом новогоднем шоу. Задача участников праздничного конкурса превратить главный новогодний символ – ёлку - в произведение актуального искусства. Новый год – это прежде всего ощущение игры, веселья, волшебный, сказочный мир, где возможно все. Отпустите на волю свою творческую фантазию – мы ждем от вас необычных, смелых, нестандартных решений! Нам интересно любое проявление креатива: от неординарного дизайнерского оформления хвойных деревьев до остроумных и нетривиальных трансформаций традиционных ёлок. Будут приветствоваться альтернативы хвойным красавицам. Ваши концептуальные творения мы разместим в Березинском РДК. Давайте вместе создадим творческую новогоднюю атмосферу!
УСЛОВИЯ УЧАСТИЯ И ВЫБОРА КОНКУРСНЫХ РАБОТ Для участия необходимо подать заявку в оргкомитет по телефону 55257 и ознакомиться с положением о конкурсе. Мы оставляем за собой право оценить ваш творческий замысел, который должен быть сформулирован в заявке, и допустить к конкурсу только самые интересные арт-елки. Заявки принимаются до 10 декабря 2013 года Создание и подача работ в оргкомитет до 25 декабря 2013 года Оценка работ: 26 декабря Экспонирование работ: с 25 декабря по 14 января 2014 года в Березинском РДК Презентация работ, награждение: 26 декабря 2013 года в 16 часов Участники: к участию в шоу приглашаются жители Березинского района, коллективы предприятий и организаций, свободные художники. Требования к работам: к рассмотрению принимаются только авторские новогодние ёлки или композиции в виде ёлок. Новогодняя ёлка должна быть преподнесена как арт-объект и содержать выразительную концептуальную идею. Материалы, используемые для изготовления ёлок и украшений, на усмотрение авторов. Каждой работе присваивается порядковый номер участника конкурса , остальная информация (название, автор работы , раскрывается на презентации) ОЦЕНКА КОНКУРСНЫХ РАБОТ И НАГРАЖДЕНИЕ ПОБЕДИТЕЛЕЙ Критерии оценки конкурсных работ: инновационность идеи оригинальность композиции уровень художественного и технического исполнения разнообразие используемых материалов Победитель будет определяться голосованием зрительского и звездного жюри в соотношении 50х50% Система голосования: зрители голосуют по сети интернет на странице проекта «Елка как арт-объект» на сайте Березинского райисполкома, или по телефону главного специалиста по делам молодежи - 55257 Зрительское голосование: по 25-26 декабря Голосование профессионального жюри: 26 декабря Церемония награждения: 26 декабря Победители определяются по следующим номинациям:

«Самая креативная»
«Самая концептуальная»
«Ретро-ёлка»
«Елка в подарок»
«Приз Зрительских симпатий»

Вывучаем даўбежнае рамяство

майстры — Sun, 03 Nov 2013 21:50:07 GMT

      30 кастрычніка 2013 года ў маленькую вёсачку Анэтава (сучасная назва Красны Дар) у двор да былога бондара Іваня Яфімавіча Жаўняровіча завіталі госці: майстры, карэспандэнты, супрацоўнікі РДК. Сабраліся ўсе разам, каб узгадаць тэхналогію вырабу бочкі, цэбра. Надвор'е было сонечным, цёплым. Вырашылі размясціцца ў садочку. Зяць і сын Івана Яфімавіча прынеслі інструменты, якія дагэтуль захаваліся ў двары, і пачалася зацікаўленая размова. Іван Яфімавіч з задавальненнем прадэманстраваў, як патрэбна рабіць і апрацоўваць кожную клёпку, зрабіць донца, сабраць клёпкі і надзець абручы. Прадэманстраваў, як трэба карыстацца інструментамі, іх дакладныя назвы.

    Майстры Я.П. Осіпаў, М.А. Халецкі і М.П. Філіпчанка задавалі пытанні, цікавіліся сакрэтамі майстэрства бондара. Мікалай Пятровіч Філіпчанка нарадзіўся на Украіне, у дзяцінстве дапамагаў бацьку рабіць бочкі, і хоць было гэта шмат гадоў таму, рукі не забыліся. Ён паабяцаў прывезці свой інструмент і паспрабаваць зрабіць бочку. Мікалай Аляксандравіч Халецкі таксама памятае, як у дзяцінстве назіраў за работай свайго дзеда-бондара.
     На жаль, даўбежнае рамяство, як і лыжкарскае, зараз адыходзіць, але ўсе удзельнікі гэтай сустрэчы не пакідаюць надзеі - адрадзіць яго, каб не было яно забыта.

Зямля пад белымі крыламі

майстры — Sun, 27 Oct 2013 20:04:50 GMT

Выстава народнай творчасці "Зямля пад белымі крыламі" была прэзентавана 23 кастрычніка. Выстава наладжана ў зале адкрытага фонда будучага раённага гісторыка-краязнаўчага музея.

У кожнага чалавека ёсць Радзіма, і кожны любіць яе. Любіць месца, дзе нарадзіўся і жыве. Любіць родную прыроду, свой народ. Любіць сваю родную мову і песні свайго народа, казкі, танцы, кнігі … Без бацькаўшчыны і без свайго народа чалавек не можа жыць.

У Беларусі ясныя вочы, многа любові ў грудзях:
Звонкае поле, звонкія сосны, звонкі і сонечны шлях.

У Беларусі кожны куточак, дзе ты не пойдзеш, пяе…
Звонкае слова, звонкая песня, звонкае сэрца яе.

Як прыемна кожны дзень адкрываць для сябе таленавітасць нашага народа, бачыць прыгажосць роднага куточка, слухаць пявучую беларускую мову і адчуваць ў душы вялікі гонар за сваю Радзіму.

Беларусь — край легенд, казак і паданняў. Зямля пад белымі крыламі, сінявокая Беларусь — так вельмі часта называюць нашу родную краіну. Яна славіцца сваімі лясамі, рэкамі, азёрамі, працавітымі і шчырымі людзьмі.

Наведвальнікі выставы маюць магчымасць пазнаёміцца з таямніцамі і цудамі беларускай зямлі, дакрануцца душой да яе гісторыі, традыцый.

Вядучая свята Т.І Верамейчык сказала:

"Лёс нам даў мірны характар, чулае сэрца, шчырую душу, бязмерную шчодрасць і гасціннасць а усім,хто прыйшоў сёння на нашу імпрэзу яшчэ і вялікі талент. Беларусы здаўна славяцца сваімі рамёствамі. Сёння мы маем магчымасць дакрануцца сэрцам да вытокаў душэўнай прыгажосці, на свае вочы пабачыць тое, што захавала цеплыню рук і сэрцаў тых майстроў, што стварылі гэту прыгажосць."

Са словамі прывітання да прысутных звярнулася кіраўнік Народнага клуба майстроў Ганна Аляксандраўна Ждановіч:

" Над зялёнымі палямі, над векавымі пушчамі, над зялёнымі лугамі, над блакітнымі стужкамі рэк, над люстэркамі незлічоных азёр лунаюць белакрылыя буслы. Кожны ведае, што бусел — сімвал роднай Беларусі. Таму нашу краіну называюць зямлёй пад белымі крыламі. Менавіта гэтыя прыгожыя словы "Зямля пад белымі крыламі” сталі назвай нашай выставы, на якой прадстаўлены ткацтва, вышыўка, выцінанка- работы майстроў Бярэзіншчыны. Выставы работ майстроў старэйшага пакалення заўседы выклікаюць цікавасць таму, што мы маем магчымасць пабачаць і пазнаць нашы карані, нашу гісторыю, нашу традыцыйную культуру: міфалогію, абрады, рамёствы.

Асноўная ідэя нашай выставы можа быць акрэслена вершаванымі радкамі:

Беларусь — гняздо буслоў, птушак белакрылых.
Наша родная зямля, наш куточак мілы.

Птушка бусел , «бацян», «Буська», як яе ласкава называюць беларусы, шырока прадстаўлены ў беларускай міфалогіі , паводле якой гэта чалавек ці анёл , які быў пакараны богам за цікаўнасць , і ператвораны ў бусла. Чалавек надзяляў гэтую птушку шырокімі магічнымі функцыямі. Бусел - апякун і распарадчык ураджаем і дабрабытам сям'і , істота , якае прыносіць дзяцей , мае сувязь з продкамі і г.д. Гэта свяшчэнная птушка, якая ахоўвае ад усяго негатыўнага, у вузкім сэнсе - сям'ю, у шырокім сэнсе - народ .
Асноўная ідэя выставы: праз прадметы этнаграфіі , фальклорныя тэксты рэканструяваць абрады, звязаныя з выявай бусла ў беларускай міфалогіі , разам з буслом паказаць птушыныя вобразы наогул у вышыўцы, ткацтве , народным касцюме , іншых праявах духоўнай і матэрыяльнай культуры беларусаў , а таксама сувязь з семантыкай арнаментаў ў ручніках і іншых прадметах ткацтва і вышыўкі."

      Ганна Аляксандраўна ўзгадала аб тым што На провады Каляд 21 студзеня ў Бярэзінскім раёне дагэтуль спраўляюць архаічны абрад "Цягнуць Каляду на дуба”.Гэты абрад занесены ў спіс нематэрыяльнай культурнай спадчыны. Як гэта адбываецца? Рыхтуюць кола або барану, вараць куццю ў гаршку, гатуюць у складчыну калядныя абрадавыя стравы, якімі частуюцца разам пасля абраду, гуляюць, танцуюць. Абрад пачынаецца з таго, што з куля саломы ад вымалачанага зажыначнага снапка робяць жаночую іпастась. Гэта і ёсць Каляда, якую вязуць да бліжэйшага дуба сярод поля і ўсцягваюць на яго разам з куццёй. У некаторых вёсках усцягваюць толькі саламяную ляльку-Каляду або толькі барану ці кола. Захавальнікі абраду кажуць, што такім чынам запрашаюць бусла, а Каляду цягнуць —ад грому і маланкі, каб не спаліла ўраджай. Нават песня ёсць, прымеркаваная да абраду, і ў ёй словы, з якімі ўсцягваюць на дрэва Каляду: "каб сядзела высока і глядзела далёка, каб расло жыта і пшаніца, каб авёс добры рос”. У адной з вёсак Бярэзінскага раёна кола на дуб усцягвала маладая пара, якая ў Мясаед брала шлюб. На Благавешчанне яны ішлі глядзець, ці пасяліліся буслы. Калі прыляцелі і зрабілі кубло, сямейнае жыццё маладых будзе шчаслівым. Такім чынам, бусел — гэта птушка, якая звязвае неба і зямлю, захавальнік ураджаю і нябеснага агню, ахоўнік сям’і.

     Галоўны скарб нашай краіны — ЛЮДЗI! Яны ўслаўляюць сваю зямлю, нясуць у свет добрае iмя беларусаў. Ганна Аляксандраўна звярнулася са шчырымі словамі падзякі да майстроў народнай творчасці, захавальнікаў традыцыйных рамёстваў у нашым раёне за тое, што яны зберагаюць для нашчадкаў гэту прыгажосць, створаную сваімі ўмелымі рукамі і ўручыла падзячныя лісты аддзела ідэалагічнай работы,культуры і па справах моладзі майстрам. Зінаіда Міхайлаўна Карэнька з вёскі Любушаны, не гледзячы на паважаны ўзрост, змагла асабіста пабыць на выставе і пабачыць, што выстава выклікала цікавасць як дзяцей, так і дарослых.
      Зямля для народа неабходна, як глеба для дрэва. А мова, літаратура кожнай краіны, яе культура — плён гістарычнага развіцця нацыі. Толькі на роднай зямлі чалавек дыхае свабодна, адчувае падтрымку сваіх блізкіх і родных, можа карыстацца спадчынай продкаў.

    Выстава "Зямля пад белымі крыламі" прысвечана 70-ай гадавіне вызвалення Беларусі ад нямецка-фашысцкіх захопнікаў. Наперадзе новыя цікавыя сустрэчы і выставы!

Разьбы зачараванне

майстры — Fri, 07 Jun 2013 21:20:11 GMT

Нядаўна ў Мядзелі адбыўся шосты рэгіянальны фестываль майстроў разьбы па дрэве "Разьбы зачараванне, удзел у якім прынялі майстры Мядзельскага, Чэрвеньскага, Стаўбцоўскага, Валожынскага і нашага раёнаў. Бярэзіншчыну прадстаўлялі члены Народнага клуба майстроў Яўген Осіпаў, Васіль Мурашка і Уладзімір Бузін. Асноўную частку прывезенай на свята хатняй калекцыі нашых майстроў складалі лыжкі, і гэта не выпадкова: раз у два гады ў Беразіно праводзіцца свята "Бярэзінскія лыжкары”, створаны адзіны ў краіне пакой-музей драўлянай лыжкі, створаны помнік драўлянай лыжцы, які пакуль стаіць у майстэрні Народнага клуба майстроў у чаканні свайго "выхаду ў свет”.

Разнастайныя драўляныя вырабы былі прадстаўлены на фестывалі Яўгенам Осіпавым (на здымку). Кожная, вырабленая яго рукамі, драўляная лыжка – гэта шэдэўр, своеасаблівы эксклюзіўны твор, бо ідэя, задума і выкананне – гэта яго аўтарскае бачанне і прымяненне яго таленту і майстэрства. Яўген Паўлавіч стварыў чатыры лыжкі з выявай герба нашага горада, аднак усе яны арыгінальныя, не падобныя адна на адну. Патрымаеш такую ў руках і дзіву даешся майстэрству творцы, і яшчэ раз пераканаешся, што Бярэзіншчына багатая на таленавітых, творчых людзей. Журы фестывалю, якое ўзначальваў Яўген Міхайлавіч Сахута, прафесар, доктар мастацвазнаўства, старшыня Беларускага саюза майстроў, высока ацаніла работы нашага земляка і адзначыла Яўгена Осіпава дыпломам лаўрэата ў намінацыі "За лепшы твор утылітарнага характару”.

Яўген Паўлавіч згодны стварыць школу лыжкарнага майстэрства на базе Лагаўской установы адукацыі, дзе ён працуе настаўнікам. Неабходныя ўмовы для гэтага ёсць, самае галоўнае – ёсць вучні, якім цікава займацца гэтай справай. Напрыклад, яго вучань Уладзімір Бузін таксама ўдзельнічаў у фестывалі ў Маладзечне і прадставіў свае драўляныя лыжкі. Як і ў настаўніка, творы Уладзіміра арыгінальныя і вытанчаныя, выкананыя па-майстэрску, могуць упрыгожыць не толькі кухню кожнай гаспадыні, а і стаць своеасаблівым прыгожым сувенірам родным і блізкім, які будзе напамінкам аб нашай гісторыі Беларусі. Вельмі важна падтрымаць пачынаючага майстра, даць магчымасць развіццю яго таленту. Зараз для моладзі прэстыжна дасканальна валодаць кап’ютарам, гадзінамі "сядзець” у інтэрнэце, а знайсці разцы і зрабіць цікавую рэч уласнымі рукамі не кожны зможа. А вось ва Уладзіміра атрымліваецца, ён адзначаны на свяце дыпломам за першае месца ў намінацыі "За арыгінальнасць вырабу”.

Васіль Мурашка атрымаў дыплом за першае месца ў намінацыі "За зберажэнне традыцый разьбы па дрэве”. Яго лыжкі простыя, зграбныя, добра апрацаваныя. Лыжкі Васіля Андрэевіча падобныя адна на адну, гэта як творчы почырк майстра, яго ўласная тэхналогія. Здаецца, што гэта не зусім цікава, але паспрабуйце зрабіць дзве лыжкі падобныя адна на адну? Пераканаецеся, што гэта не так і проста, як здаецца на першы погляд.

Работы бярэзінскіх лыжкароў, а таксама майстроў Міншчыны ў гэтай справе, можна ўбачыць у пакоі-музеі драўлянай лыжкі (вул. Маладзёжная, 5). У музеі можна пазнаёміцца з гісторыяй драўляных лыжак, з матэрыяламі аб майстэрстве іх стварэння і нават прыняць удзел у імправізаваным канцэрце ансамбля лыжкароў.

Ганна ЖДАНОВІЧ, кіраўнік Народнага клуба майстроў Бярэзінскага РДК.

Прэзентацыя персанальнай выставы Аляксандры Грынкевіч "Шляпный салон"

майстры — Wed, 05 Jun 2013 19:14:04 GMT

5 чэрвеня для ўдзельнікаў секцыі аматараў рукадзелля Народнага клуба майстроў адбылася прэзентацыя выставы Аляксандры Грынкевіч "Шляпный салон". Аляксандра Анатольеўна з задавальненнем падзялілася сакрэтамі свайго майстэрства, прадэманстравала свае работы і дала майстар-клас па вырабу кветак з каляровых стужак. Аляксандра Анатольеўна захапляецца самымі рознымі відамі дэкаратыўна- прыкладнога мастацтва: бацікам, выцінанкай, бісерапляценнем, дэкарыраваннем, вырабам лялек. Прадстаўленыя на выставе работы Аляксандры Анатольеўны спалучаюць і вязанне , і бісерапляценне і выкарыстанне штучных кветак, садавіны, воўны. Работы нікога не пакідаюць раўнадушным, імі хочацца любавацца, іх хочацца памераць і адчуць сябе ПРЫГАЖУНЯЙ.